الإختلاف بين الشاشة التفاعلية والسبورة التفاعلية أو المعروفة بالسبورة الذكية موجود في التقنية المستخدمة في طريقة عملهم، بالإضافة إلى طبيعة التفاعل الموجودة، والإستخدامات الأساسية.
أهم الإختلافات بينهم :
اولاً من حيث (التقنية المستخدمة):
•
الشاشة التفاعلية:هي شاشة عرض مدمجة تعمل باللمس بتقنية اللمس LED أو LCD ومزودة بوظائف تفاعلية. ودي بتستخدم المستخدمين تفاعلها مباشرة بإستخدام شاشة الأصابع أو القلم الخاص بالإستخدام. تعتبر الشاشة التفاعلية جهاز عرض إلكترونيات مع خواص تفاعلية بسبب قدرتها على إستجابته للمس وتقدر استخدامها كمان لعرض محتوى الفيديو الرقمي، التأثيرات، النصوص، وما إلى ذلك.
•
أما بالنسبة للسبورة التفاعلية:هي عبارة عن سطح بيتيح الكتابة عليه بإستخدام قلم تفاعلي أو أدوات خاصة، بيتم ربط السبورة التفاعلية بجهاز عرض (Projector) ودا بيعرض صورة من جهاز الكمبيوتر على السبورة، وكمان تقدر تتفاعل مع الصورة بإستخدام القلم أو اليد، وغالبًا السبورة التفاعلية بتحتاج معاها جهاز كمبيوتر عشان تتحكم فيها.
ثانياً (طريقة العرض):
•
الشاشة التفاعلية:بتعرض المحتوى على الشاشة نفسها مباشرة، بدون ما تحتاج لجهاز عرض خارجي. الشاشة نفسها بتشتغل كجهاز عرض مستقل بقدرة عالية على إظهار التفاصيل والصور بدقات فائقة زي (FHD أو 4K). المحتوى الرقمي بيكون معروض مباشرة على الشاشة التفاعلية وتقدر تتحكم فيه وتتفاعل معاه من خلال تقنيات اللمس الذكية والمختلفة اللي بتدعمها الشاشات التفاعلية.
•
أما بالنسبة للسبورة التفاعلية:فهي بتعتمد على جهاز عرض (البروجيكتور) واللي دوره إنه بيقوم بإسقاط الصورة أو المحتوى على السبورة التفاعلية. وتقدر تتفاعل مع المحتوى من خلال القلم التفاعلي أو اليد، لكن جودة العرض المرئي بتتأثر بعوامل مختلفة زي الإضاءة المحيطة وقوة لمبة جهاز البروجيكتور.
ثالثاً (التكامل):
•
الشاشة التفاعلية:هي جهاز مستقل ومتكامل ومش بتحتاج في الغالب إلى أجهزة إضافية خارجية منفصلة عنها، بمعنى إنها بتحتوي في العادة على نظام تشغيل داخلي (زي Android أو Windows) وفي بعض الأحيان الشاشة ممكن تحتوي النظامين معا لو تم إضافة جهاز كمبيوتر صغير خارجي. من خلال الشاشة التفاعلية بتقدر تدير المحتوى من تطبيقات الشاشة نفسها، وممكن توصلها بأجهزة تانية مختلفة، لكنها بتشتغل بشكل مستقل في الغالب.
•
اما بالنسبة للسبورة التفاعلية:بتحتاج جهاز عرض وجهاز كمبيوتر عشان تشتغل. وبتعتمد على البرمجيات المثبتة على الكمبيوتر للعرض. التكامل بين الأجهزة دي ممكن يكون معقد وبتحتاج في الغالب لإعداد قبل العمل عليها.
رابعاً (سهولة الاستخدام):
•
الشاشة التفاعلية:أكثر سهولة في الإستخدام، لأنها بتتيح لك العمل عليها بمجرد تشغيلها. بمعنى إنك بتتفاعل مباشرة مع الشاشة بدون ما تحتاج لإعدادات معقدة مسبقة أو أجهزة إضافية.
•
اما بالنسبه للسبورة التفاعلية:بتتطلب إعداد جهاز العرض وربطه بالكمبيوتر وضبط الإعدادات قبل ما تستخدمها.
خامساً (المرونة والميزات):
•
الشاشة التفاعلية:غالبًا ما تحتوي على مميزات إضافية زي الوصول إلى الإنترنت، تشغيل تطبيقات تعليمية، مشاركة المحتوى بسهولة عبر الشبكات اللاسلكية، بالإضافة إلى وضوح الصورة ودقة التفاعل باللمس.
•
أما بالنسبة للسبورة التفاعلية:بتوفر ميزات مشابهة للشاشة التفاعلية ولكنها تعتمد على الأجهزة المتصلة بها (جهاز الكمبيوتر وجهاز العرض).
سادساً (التطبيقات والإستخدام):
